Filadelfiyada Donald Tramp va Kamala Xarris o‘rtasidagi birinchi teledebat bo‘lib o‘tdi.

Mazkur debat tanaffuslar bilan 90 daqiqa davom etdi. Zalda tomoshabinlar yo‘q, nomzodlar bir-birlariga savol bera olishmadi, muhokamani ABC telekanali boshlovchilari olib borishdi.

Bugungacha Tramp va Xarris shaxsan uchrashmagan edi. Nomzodlarning nutqi davomida har bir savolga javob berishi uchun ikki daqiqa vaqt berildi, bu vaqtda raqibning mikrofoni o‘chirib qo‘yildi.

Nomzodlar teledebatda quyidagicha fikrlarni aytib o‘tishdi.

Kamala Xarris:
— Trampning “amerikaliklar kelajagi” uchun hech qanday tayinli rejasi yo‘q, uning iqtisodiy rejasi mamlakatdagi vaziyatni yomonlashtiradi;

— Tramp Amerikani Xitoyga “sotdi”. Uning prezidentlik davridan yomon sog‘liqni saqlash tizimi va iqtisodi abgor bo‘lgan mamlakat qoldi;

— Tramp ma’muriyati Amerika tarixidagi eng yuqori savdo kamomadiga sabab bo‘ldi. U bemani savdo urushlarini olib borgan;

— Qo‘shma Shtatlar Xitoy bilan texnologik poygada g‘alaba qozonishi va chip ishlab chiqarishni ko‘paytirishi kerak;

— Agar Tramp prezident bo‘lganida, Putin allaqachon Kiyevda o‘tirgan bo‘lardi.

— Trampning prezidentligi davrida AQSh demokratiyasi fuqarolar urushi davridan beri eng yomon holatda bo‘lgan;

— Tramp savdo urushlarining boshlanishiga hissa qo‘shgan;

— Agar men prezidentlikka saylansam, AQShning neft importiga qaramligini kamaytirishni rejalashtiryapman.

Donald Tramp:
— Men urush tugashini xohlayman. Buning uchun Rossiya va Ukraina prezidentlari bilan shaxsan gaplashaman. Men muzokara o‘tkazish uchun ularni bir joyga yig‘aman;

— Agar men saylovda g‘alaba qozonsam, xorijiy mahsulotlarga katta bojlar kiritishni rejalashtiryapman;

— Jo Bayden Ukrainadagi mojaroni hal qilish uchun Rossiya bilan aloqa kanallariga ega bo‘lmagan;

— Demokratik partiya ma’muriyati Qo‘shma Shtatlarni uchinchi jahon urushi tomon boshlashi mumkin.

So‘rovnoma natijalariga ko‘ra, nomzodlar hozirda taxminan bir xil reytingga ega, shuning uchun bugungi debat saylov natijalariga hal qiluvchi ta’sir ko‘rsatishi mumkin.

• AQSh
• Tramp
• saylov