Argentinaning futbol bo‘yicha milliy terma jamoasi sardori Lionel Messi Suriya va Turkiyaga insonparvarlik yordamini tarqatdi.

Turkiyadagi bir qator ommaviy axborot vositalari tarqatgan xabarlarga ko‘ra, argentinalik yulduz 3,5 million yevrolik gumanitar yordam tarqatgan.

Turkiya matbuoti xabariga ko‘ra, argentinalik o‘z jamg‘armasidan zilzila sodir bo‘lgan joylarga yordam yuborishni so‘ragan.

Leo Messi jamgʻarmasi butun dunyo boʻylab bolalarning salomatligi va taʼlim olishiga gʻamxoʻrlik qiluvchi oilaviy jamgʻarma boʻlib, Leoning akasi Matias ushbu tadbirlarni UNICEF bilan hamkorlikda tashkil etadi.

Turkiyada dushanba kungi zilzila qurbonlari soni 15 mingdan oshdi. Hozirda Suriyada 3 mingdan ortiq inson qurbon bo‘lgan bo‘lsa, bu bilan jami rasmiy qurbonlar soni 18 ming nafarga yetdi.

7,8 magnitudali zilzila mahalliy vaqt bilan 6-fevral kuni ertalab soat 4 dan keyin Gaziantep viloyati Nurdagidan 23 kilometr sharqda, 24,1 kilometr chuqurlikda sodir bo'ldi.

• Messi
• Xayriya