O‘zbekistondan Koreya Respublikasiga Е-9 vizasi bilan jo‘nab ketishga tayyorlanayotgan fuqarolarga Tashqi mehnat migratsiyasi agentligining murojaati e’lon qilindi. Bu haqida agentlik axborot xizmati xabar berdi.

Ma’lum qilinishicha, 2021-yilning noyabr oyidan boshlab Koreyaga fuqarolarni vaqtinchalik mehnat faoliyatini amalga oshirish uchun tashkiliy tarzda kirib borishi qayta yo‘lga qo‘yilgan. Tashqi mehnat migrasiyasi agentligi tomonidan 2022-yil 6-yanvar kuni 65 nafar birinchi marotaba shartnomasi kelgan hamda 35 nafar qayta shartnoma bilan kelgan fuqarolar vaqtinchalik mehnat faoliyatini amalga oshirish uchun jo‘natilgan.

Xabarda keltirilishicha, fuqarolar Koreya tomonidan tan olingan vaksina bilan emlangani hamda ketishdan 72 soat oldin olingan PZR testi natijasiga ko‘ra, kovid infeksiyasi aniqlanmaganiga qaramasdan, Koreya hududida kirib borgan o‘zbekistonliklarda koronavirus infeksiyasi qayd etilgan.

Ta'kidlanishicha, 2021-yil 23-30 dekabr kunlari jo‘nab ketgan fuqarolarning 1 nafarida, 2022-yilning 6 yanvarida jo‘nab ketgan 98 nafar fuqaroning 6 nafarida koronavirus aniqlangani sababli Koreya hukumati tomonidan O‘zbekiston uchun ushbu davlatga kirib boruvchi fuqarolar soni qisqarishi, hattoki vaqtinchalik to‘xtatilishi kabi cheklovlar qo‘yilishi mumkinligi to‘g‘risida ogohlantirilgan.

• Koreya
• Migratsiya