Prokuratura organlari tomonidan Madaniy meros agentligi bilan hamkorlikda tarixiy yodgorliklarni muhofaza qilish va saqlashga qaratilgan tizimli nazorat tadbirlari o‘tkazib kelinmoqda.

Ushbu tadbirlar natijasida ming yillik tarixga ega bo‘lgan ko‘plab tarixiy yodgorliklar yo‘qolib ketish xavfidan saqlab qolinmoqda.

Xususan, Samarqand viloyati Ishtixon tumanida joylashgan IV-VIII asrlarga oid “Nomsiztepa-3” arxeologiya yodgorligini 9,6 m2 qismi fuqaro O.T. tomonidan o‘zboshimchalik bilan buzish harakatlari boshlangani aniqlanib, o‘z vaqtida to‘xtatib qolinishi natijasida ushbu tarixiy yodgorlikning 652 m2 maydoni saqlab qolindi.

Shu kabi, Toshkent viloyati Bo‘stonliq tumanida joylashgan ilk o‘rta asrlarga oid “Qo‘shqo‘rg‘ontepa” arxeologik yodgorligini 7,4 m2 tuproq qismi mahalliy fuqarolar tomonidan noqonuniy ravishda kesib olish harakatlari boshlangani aniqlanib, jinoiy qilmishlarning o‘z vaqtida oldi olinishi natijasida ushbu obyektning 492 m2 maydoni saqlab qolindi.

Ma’lum qilinishicha, hozirda yodgorliklarga yetkazilgan jami 288 mln so‘m zarar yuzasidan jinoyat ishlari qo‘zg‘atilib, dastlabki tergov harakatlari olib borilmoqda.

Nazorat tadbirlari davom ettirilmoqda.

• Bosh prokuratura
• Samarqand
• Toshkent