31°
Kechasi 18°
Mashhurlar bilan suhbat ruknimiz davom etadi. Dasturimizning bu safargi mehmoni – iste’fodagi polkovnik, O‘zbekiston jurnalistlar ijodiy uyushmasi a‘zosi, Xalqaro ekologiya, tabiat va inson xavfsizligi ilmiy akademiyasi akademigi, “Mehnat faxriysi” hamda bir qancha davlat mukofotlari sohibi Mirkarim ota Mirsavurov.
Olimjon Hasanov, Xabardor.uz jurnalisti – Assalomu alaykum, Mirkarim ota, biz uchun vaqt ajratganingizdan bag‘oyat mamnunmiz. Keling suhbatimizni sizni ayni damda ushbu suhbatni tomosha qilayotganlar uchun yana bir bor tanishtirishdan boshlasak, marhamat.
Mirkarim Mirsavurov, Mehnat faxriysi: – Hayot taqozosi bilan o‘rta maktabni bitirgandan keyin Batumiga (Gruziya) harbiy xizmatga bordik. Rus tilini bilganim uchun harbiy muxbir sifatida ish olib bordim. Bu tajriba ta’sirida yo‘llanma berishdi ToshDU(O‘zMU)ni jurnalistika fakultetiga kelib kirdim. Oilali bo‘ldim va bir qancha davlat idoralarida faoliyat yurittim. Sharof Rashidovning o‘z tavsiyasi va kotibiyat qarori bilan pagonga o‘tdik. Toshkent viloyati Ichki ishlar idorasida 15 yil ishladim. Shundan so‘ng nafaqaga qadar davlat bojxona qo‘mitasi matbuot markazi rahbari sifatida faoliyat yutganman.
O.H.: – Bojxonada qo‘lga tushgan, lekin hech kimga ochiqlanmagan ashyolar bor va ular men tashkillashtirgan muzeyga joylandi deb aytib o‘tdingiz. Agar mumkin bo‘lsa aytib bera olasizmi, bu qanday buyumlar edi?
M.M.: – Ularning aksariyati giyohvand moddalar bo‘lgan. Men ularni yangi tashkil qilingan muzeyda to‘liq nazorat ostida saqlash tajribasini boshladim. Keyin qurollar qo‘lga tusha boshladi. Undan keyin bizda Dubay kabi davlatlardan tilla olib kelish ommalashdi. Shu bilan birga qadimiy tangalar va tarihiy ahamiyatga ega bo‘lgan ayollar taqinchoqlarini noqonuniy olib chiqishga uringanlar ham qo‘lga tusha boshladi.
O.H.: – So‘zingiz avvalida Sharof Rashidovni esladingiz. Siz u kishini qanday xotirlaysiz?
M.M.: – Toshkent viloyat militsiyasi bilan hamkorlikda Bekobod metallurgiya zavodida maxsus bo‘lim ishga tushishi kerak bo‘ldi. Men shuni tashkil qildim va ushbu bo‘lim ochilishida Sharof Rashidov bilan birga qatnashdim. Tadbir o‘tgandan keyin Rashidov meni chaqirtirdi, rahmat aytdi. Biroz vaqt o‘tgach, meni “markazqo‘m”ning bir bo‘limiga instruktor qilib ishga oldi. Bu maxfiy bo‘lim edi. Moskvadan keladigan hamma ma’lumotlar maxfiy kelardi. Mening vazifam esa bu ma‘lumotlarni Sharof akaga yetkazish edi.
O.H.: – O‘zbekiston Respublikasining birinchi prezidenti Islom Karimov haqida nima deya olasiz?
M.M.: – Islom Karimov bilan faqat tadbirlarda ko‘rishganmiz. Bir marta qo‘limni siqib ko‘rishgani Mustaqillik maydonida polkovnik olgan kunim edi. Undan keyin 1-2 marta ko‘rishdik, lekin ko‘pchilikning ichida. Chunki uni yoniga shaxsiy ish bilan borish juda qiyin edi. Lekin gaplari xuddi harbiylardek aniq va tiniq edi. Hozirgi prezidentimiz Mirziyoyev esa Karimovning ana shu qattiqqo‘l va talabchanlik hislatlarini o‘zlashtirgan hamda aytganini amalda bajaradigan inson.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
