O‘zbekiston prezidenti Shavkat Mirziyoyev Eron bilan 2023-yil iyun oyida ushbu mamlakatga tashrifi chog‘ida imzolangan mahkumlarni topshirish to‘g‘risidagi shartnomani ratifikatsiya qilish haqidagi qonunni imzoladi. Qonun milliy qonun hujjatlari ma’lumotlar bazasi Lex.uz saytida e’lon qilindi.

Ushbu hujjat 2023-yil oktyabrda va 2024-yil yanvarda O‘zbekiston Senati tomonidan ma’qullangani, parlament Qonunchilik palatasi tomonidan qabul qilingani avval xabar qilingan edi.

“O‘zbekiston Respublikasi bilan Eron Islom Respublikasi o‘rtasida mahkumlarni topshirish to‘g‘risidagi shartnoma ratifikatsiya qilinsin”, — deyiladi hujjat matnida.

Mutaxassislarning fikricha, shartnomaning ratifikatsiya qilinishi ikki davlat vakolatli organlarining mahkumlarni topshirish sohasidagi o‘zaro hamkorligi samaradorligini oshiradi.

• Eron
• Mahkum