Oʻzbekiston Respublikasi Prezidenti Shavkat Mirziyoyev 25-noyabr kuni Pokiston Islom Respublikasi Bosh vaziri Imron Xon bilan telefon orqali muloqot qildi.

Davlat rahbari Bosh vazir Imron Xonni tavallud kuni bilan chin dildan qutlab, unga mustahkam sogʻlik, farovonlik va katta muvaffaqiyatlar, doʻst Pokiston xalqiga esa tinchlik-osoyishtalik va ravnaq tiladi.

Suhbat chogʻida oliy darajada erishilgan kelishuvlarni amalga oshirish masalalari hamda mamlakatlar oʻrtasidagi oʻzaro manfaatli hamkorlikni kengaytirish istiqbollari koʻrib chiqildi.

Muloqotlar faollashgani, ikki tomonlama tovar ayirboshlash koʻrsatkichlari sezilarli darajada oʻsgani va ishbilarmonlar oʻrtasidagi kooperatsiya kuchaygani mamnuniyat bilan qayd etildi. Qishloq xoʻjaligi mashinasozligi, farmatsevtika va kimyo sanoati, toʻqimachilik va qurilish materiallari tarmoqlari, boshqa sohalardagi investitsiya loyihalarini ilgari surishga alohida eʼtibor qaratildi.

Yetakchilar mintaqada yirik infratuzilma loyihalarini amalga oshirish masalalarini muhokama qildilar.
Boʻlajak uchrashuvlar rejasi ham koʻrib chiqildi.
 

• Pokiston
• Prezident