Prezident Shavkat Mirziyoyev Rossiyaning Kemerevo viloyatidagi “Listvyajnaya” konida sodir bo‘lgan portlash oqibatida insonlar qurbon bo‘lgani munosabati bilan mamlakat Prezidenti Vladimir Putinga ta’ziya yo‘lladi.

O‘zbekiston prezidenti halok bo‘lganlarning oila a’zolariga chuqur hamdardlik izhor etib, jarohatlanganlar tez fursatda shifo topishini tiladi.

Ma’lumot uchun, kecha, 25-noyabr kuni “Listvyajnaya” konida avvaliga tutun paydo bo‘lib, metan portlagan. Hodisa oqibatida 52 kishi halok bo‘lgan, 46 konchi va 6 kon qutqaruvchisi, 49 kishi kasalxonada qolmoqda. Hodisa sodir bo‘lganida yer ostida 285 kishi bo‘lib, ularning ko‘pchiligini olib chiqishga muvaffaq bo‘lingan. 

• Hamdardlik
• Rossiya