Oʻzbekiston Prezidenti Shavkat Mirziyoyev 14-15-sentyabr kunlari Tojikistonning Dushanbe shahrida boʻladi. Kelgusi haftada esa Amerika Qoʻshma Shtatlarining Nyu-York shahriga boradi. Bu haqda Prezident matbuot kotibi Sherzod Asadov maʼlum qildi.

Tojikistonning Dushanbe shahrida 14-15-sentabr kunlari Markaziy Osiyo davlatlari rahbarlarining beshinchi maslahat uchrashuvi hamda Orolni qutqarish Xalqaro jamgʻarmasi sammiti boʻlib oʻtadi. Mazkur tadbirda Shavkat Mirziyoyev ham qatnashadi.

Shuningdek, Prezident keyingi haftada AQShga joʻnab ketadi. Shavkat Mirziyoyev Nyu-Yorkda BMT Bosh assambleyasining 78-sessiyasi umumsiyosiy munozaralarida nutq soʻzlaydi.

Tashrif davomida Shavkat Mirziyoyev Jo Bayden taklifi bilan oʻtkaziladigan “C5+1” formatidagi AQSh va Markaziy Osiyo davlatlari rahbarlarining birinchi uchrashuvida ishtirok etadi.

• AQSh
• Prezident
• Tojikiston