Bugun, 6-dekabr kuni O‘zbekiston Prezidentining davlat tashrifi doirasida Nur-Sulton shahrida mamlakat elchixonasi yangi binosining ochilish marosimi bo‘ldi.

Shuningdek, Shavkat Mirziyoyev va Qosim-Jomart To‘qayev ramziy bog‘ichni kesib, yangi binoni tantanali ravishda ochdilar.
Ikki mamlakatning davlat madhiyalari yangragan. Shundan so‘ng, Prezidentlar elchixonada yaratilgan sharoitlar bilan tanishgan.
Zamonaviy bino mamlakat quruvchilari tomonidan barpo etilgan. Xonalar milliy uslubda bezatilgan.
Diplomatik vakolatxona hududida asosiy bino, konsullik bo‘limi, xodimlar uchun uy, diplomatik missiya rahbarining qarorgohi, bolalar va sport maydonchalari joylashgan.

Muzokara xonalari, anjumanlar zalida barcha sharoitlar mavjud. Elchixonaning o‘z kutubxonasi ham bor.

Ish jarayonlarini samarali tashkil etishga alohida e’tibor qaratilgan, axborot texnologiyalari keng joriy qilingan. Bu yerdagi interfaol uskunalar muzokaralarni onlayn shaklda o‘tkazish imkonini beradi. Konsullik faoliyati uchun “elektron navbat” tizimi o‘rnatilgan, bu yerga keluvchilar ma’lumotlarni nterfaol tarzda olish imkoniyatiga ega.
Alohida ehtiyojli odamlar uchun ham zarur sharoitlar yaratilgan.

Bir so‘z bilan aytganda, yangi elchixona binosida barchasi ish sifati va samarasi yuqori bo‘lishiga, qardosh mamlakat bilan sheriklikni yanada kengaytirishga qaratilgan.

Shavkat Mirziyoyev va Qasim-Jomart Toqayev elchixonaning Faxriy mehmonlar kitobida qayd yozib qoldirganlar. 

• Elchixona
• O‘zbekiston
• Qozog‘iston