Koreya Respublikasi prezidenti Mun Chje In Shavkat Mirziyoyevga O‘zbekiston Prezidenti lavozimiga qayta saylangani munosabati bilan tabrik xati yo‘llab, unda ikkala davlat rahbarlarining Koreyada bo‘lib o‘tadigan uchrashuvi haqida to‘xtalib o‘tgan.

“Prezident sifatida faoliyatingizning ikkinchi muddati davomida Siz bilan yaqin hamkorlik qilish orqali mamlakatlarimiz o‘rtasidagi alohida strategik sheriklik munosabatlarini yanada mustahkamlashimizga umid qilaman.

Siz va rafiqangiz bilan joriy yil dekabr oyida Koreyada uchrashishimni orziqib kutmoqdaman”, – deb yozadi Koreya prezidenti.

Eslatib o‘tamiz, avvalroq Koreya Respublikasining Bandlik va mehnat vaziri An Kyung-duk o‘zbekistonlik mehnat migrantlari uchun mamlakatga kirib kelish bo‘yicha o‘rnatilgan cheklovlarni olib tashlash rejalashtirilayotganini ma’lum qilgandi.

• Prezident
• Siyosat