Shayx Hamad nomidagi xalqaro aeroportda oliy martabali mehmonni Qatar tashqi ishlar davlat vaziri Muhammad bin Abdulaziz al-Hulayfiy va boshqa rasmiy shaxslar kuzatib qo‘ydi. Davlatimiz rahbari Toshkentga jo‘nab ketdi.

Bugun Dohada mamlakatimiz yetakchisi Amir shayx Tamim bin Hamad Ol Soniy bilan muzokara o‘tkazdi. Unda ikki mamlakat o‘rtasidagi hamkorlikni yanada yuqori, strategik sheriklik darajasiga olib chiqishga qat’iy intilish bildirildi.

Muzokaralar yakunida salmoqli hujjatlar to‘plami imzolandi.

Shuningdek, Prezidentimiz “EKSPO Doha - 2023” butunjahon ko‘rgazmasining ochilishida ishtirok etdi va boshqa taklif etilgan yetakchilar bilan birgalikda ko‘rgazmani ko‘zdan kechirdi.

Tashrif chog‘ida davlatimiz rahbari Qatarning yirik investorlari bilan qator uchrashuvlar ham o‘tkazdi.

• Qatar
• Shavkat Mirziyoyev