Maktabgacha va maktab ta’limi vazirligi tomonidan “Mirzo Ulug‘bek” onlayn maktabi tashkil etildi. Bugun, 12-oktyabr kuni mazkur maktablarning ochilish marosimi bo‘lib o‘tdi.
Onlayn maktab doirasida Jizzax viloyati, Forish tumani 7-sonli, Samarqand viloyati Qo‘shrabod tumani 70-sonli va Surxondaryo viloyati Denov tumani 62-sonli maktablari sinov tariqasida tanlab olindi.
Xabarga ko‘ra, mazkur maktablarda yuqori sinf o‘qivchilari matematika va ingliz tili fanlaridan qo‘shimcha ta’lim olishadi.
“Ushbu onlayn maktabni tashkil qilishdan maqsad Respublikaning chekka hududlari va tog‘li joylarda ta’lim sifatini oshirish hamda ushbu hududlarda istiqomat qilayotgan iste’dodli yoshlarni qo‘llab-quvvatlashdan iborat”, – deyiladi xabarda.
Mazkur loyiha test-sinov jarayonida ijobiy natijalar olingandan so‘ng, Respublikaning boshqa tog‘li va chekka hududlaridagi ta’lim muassasalarida joriy etilishi rejalashtirilgan.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!