O‘zbekiston Respublikasi Prezidentining 2022-yil 4-apreldagi PQ-194 -sonli Qaroriga asosan, Qo‘mita raisining birinchi o‘rinbosari lavozimiga  Qayumov Asadulla Urolovich tayinlandi. Bu haqda qo‘mita matbuot xizmati xabar berdi.

Qayd etilishicha, A. Qayumov 1984-yil Surxandaryo viloyatida tug‘ilgan. 2007-yil  Jahon iqtisodiyoti va diplomatiya universitetining xalqaro iqtisodiy munosabatlar yo‘nalishini, 2013-yil Yaponiyaning Vaseda universitetining magistratura biznes boshqaruvi yo‘nalishini tamomlagan. 

Mazkur lavozimga tayinlangunga qadar O‘zbekiston Respublikasi Prezidenti Administratsiyasi Huquqiy ekspertiza va kompleks tahlil qilish departamentining iqtisodiy rivojlanish sohasida tizimli tahlil qilish va yangi tashabbuslarni ishlab chiqish shoʻbasi bosh inspektori lavozimida faoliyat yuritgan. 

Ma’lumot o‘rnida, ilk faoliyatini  2007-yil Monopoliyaga qarshi kurashish qo‘mitasida yetakchi mutaxassis lavozimidan boshlagan va 2017-yilgacha boshqarma boshlig‘i darajasigacha ko‘tarilgan.

• Aksilmonopoliya
• Tayinlov