Politsiya Moskvaning Basman tumani ko‘chalaridan birida sodir bo‘lgan ommaviy janjaldan so‘ng 11 nafar ko‘cha farroshlarini qo‘lga olgan. Ular orasida 4 nafar o‘zbekistonlik ham bor. Bu haqda ТАСС huquq-targ‘ibot organlarini manba qilib xabar tarqatmoqda.

"Kechagi kommunal xizmat ishchilarining mushtlashuvidan so‘ng 11 nafar odam qo‘lga olindi. Ulardan 7 nafari qirg‘izistonlik, 4 nafari esa O‘zbekiston fuqarosi. Mushtlashuvda 3 odam jarohat olgan. Qo‘lga olinganlar ustidan mayda bezorilik bo‘yicha ayblov ishi ochilgan. Ish bo‘yicha tergovgacha surishtiruv boshlandi", – deyiladi xabarda.

Ma’lum bo‘lishicha, Qirg‘iziston fuqarolari uyning hovlisini yig‘ishtirayotgan, o‘zbekistonliklar esa binoning tomini qordan tozalayotgan bo‘lgan. Qor uy hovlisininng tozalangan joyiga tushganidan so‘ng janjal boshlangan.

• Moskva
• O‘zbekiston
• Rossiya