Rossiya Federatsiyasi Prezidentining Yaqin Sharq va Afrika mamlakatlari bo‘yicha maxsus vakili, Rossiya tashqi ishlar vaziri o‘rinbosari Mixail Bogdanov XAMAS siyosiy byurosi raisi Musa Abu Marzuk bilan uchrashdi. Bu haqda Rossiya tashqi ishlar vazirligi xabar bermoqda, deydi “Anadulu”.

“Suhbat chog‘ida asosiy e’tibor davom etayotgan harbiy harakatlar fonida gumanitar inqiroz halokatli darajaga yetgan G‘azo sektoridagi vaziyatga qaratildi”, — deyiladi xabarda.

Rossiya tomoni Falastin fraksiyalari qo‘lida bo‘lgan tinch aholi, jumladan, ikki nafar Rossiya fuqarolari A.Lobanov va A.Trufanovlarni tezroq ozod qilish zarurligini ta’kidlagan.

Shuningdek, Falastin milliy birligini tiklash istiqbollari yuzasidan ham fikr almashilgan.

Bogdanov Rossiya diplomatiyasi Falastinning yetakchi siyosiy kuchlari va harakatlarini Falastin Ozodlik Tashkiloti platformasida birlashtirishga ko‘maklashishda davom etishga tayyorligini tasdiqlagan.

• Falastin
• Moskva