31°
Kechasi 18°
Ijtimoiy tarmoqlar va internet nashrlarida Moskva shahridagi “Ant Yapi” korxonasi qurilish obyektida ishlayotgan Oʻzbekiston fuqarolari ishtirokida ommaviy mushtlashuv sodir boʻlgani haqida quyidagilar maʼlum qilindi
Konsullik boʻlimi va Tashqi mehnat migratsiyasi agentligining Moskvadagi vakolatxonasi xodimlari voqea joyiga borib, obyektda qurilish ishlari vaqtincha toʻxtatilganini, ishchilarning yashash joyi va hudud politsiya himoyasi ostida ekaniga ishonch hosil qilgan.
Maʼlum boʻlishicha, ommaviy mushtlashuvga shu yilning 18-mart kuni oshxonada navbat kutish vaqtida yuzaga kelgan tushunmovchilik sabab boʻlgan. Tortishuv 50-60 nafar fuqaro ishtirokida ommaviy mushtlashuvga aylangan.
Voqea joyiga zudlik bilan yetib kelgan ichki ishlar xodimlari tomonidan olib borilgan tezkor tadbirlar natijasida 40 ga yaqin xodim qoʻlga olinib, vaziyatga oydinlik kiritish uchun ichki ishlar boʻlimiga olib ketilgan.
Taʼkidlash kerak, mavjud maʼlumotlarga koʻra, qoʻlga olinganlar soʻroq qilinib, tushuntirish xati yozilgach, qoʻyib yuborilgan.
Ogʻir tan jarohati olgan va jabrlanganlar orasida Oʻzbekiston fuqarolari yoʻq. Yaqin kunlarda konsullik boʻlimi va Tashqi mehnat migratsiyasi agentligining Moskvadagi vakolatxonasi xodimlari vaziyatga oydinlik kiritish uchun qurilish kompaniyasi rahbariyati bilan uchrashuv oʻtkazishni rejalashtirmoqda.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
