18-avgust, juma kuni erta tongda uchuvchisiz uchish qurilmasi Moskvaga hujum qildi. Bu haqda Moskva meri Sergey Sobyanin o‘zining Telegram kanalida ma’lum qildi.

Hodisa oqibatida pavilonlardan biriga zarar yetkan. Vnukovodagi favqulodda vaziyat tufayli havo hududi yopildi. Guvohlarning so‘zlariga ko‘ra , dron hujumi paytida ular portlash va gumburlash tovushlarini eshitgan.

Mudofaa vazirligining xabar berishicha, Rossiya havo hujumidan mudofaa tizimi Moskvadagi nishonlarga hujum qilmoqchi bo‘lgan Ukraina droniga zarba berib, uni urib tushirgan.

Voqea bugun, 18-avgust kuni Moskva vaqti bilan taxminan soat 04:00 (Toshkent vaqti bilan 6:00)da sodir bo‘lgan.

Xabarga ko‘ra, uchuvchisiz uchish qurilmasi Rossiya poytaxtining Krasnopresnenskaya qirg‘og‘i yaqinida qulagan.

“Hujum natijasida qurbonlar va yong‘inlar yo‘q”– deyiladi Mudofaa vazirligi xabarida.

Ammo, dron havo hujumidan mudofaa kuchlari tomonidan yo‘q qilingan lahza videoga tushib qolgan. Ushbu videoda dron qulagandan so‘ng portlash sodir bo‘lgani ko‘rsatilgan. Videoda portlash sodir bo‘lgan hududning orqa tomonidagi bino oynasidan ko‘rinib turgan guvohlarning hayratini eshitishingiz mumkin.

"Moskva City" biznes markazi minoralari tepasida tutun ko'tarildi. Keyinroq buni mahalliy aholi payqab, biznes markazida yong‘in chiqqan deb o‘ylashgan.

• Moskva
• Rossiya
• dron