Moskva shahrining shimoli-sharqida Yangi yil kechasi o‘zbekistonlik va qirg‘izistonlik mehnat muxojirlari o‘rtasida o‘zaro janjal kelib chiqdi.

3 nafar O‘zbekiston fuqarosi hamda 10 nafar Qirg‘iziston fuqarosi ishtirokida kelib chiqqan ommaviy mushtlashuv shaharning To‘qimachilar (Tekstilщiki) tumani hududida sodir bo‘lgan. Hodisa oqibatida bir necha kishi, jumladan, ikki nafar o‘zbekistonlik va bir nafar qirg‘izistonlik fuqaro pichoq zarbidan og‘ir tan jarohati olgan.

Dastlabki ma’lumotlarga ko‘ra, janjalga shaxsiy adovat sabab bo‘lgan.

Qayd etilishicha, janjalda ishtirok etgan 10 nafar Qirg‘iziston fuqarolarining barchasi qo‘lga olingan. Ularga nisbatan ma’muriy bayonnomalar rasmiylashtirilgan. 

• O‘zbekiston
• Qirg‘iziston
• Rossiya
• muhojir