Kecha Moskvaning Krasnogorsk shahridagi "Krokus Siti Xoll" binosida “Piknik” guruhining konserti bo‘lib o‘tayotgan vaqtida noma’lum shaxslar otishma uyushtirgandi.

Dastlabki ma’lumotlarga ko‘ra, binoda yong‘in chiqqan. Guvohning so‘zlariga ko‘ra, noma’lum shaxslar konsert boshlanishidan oldin zalda va zal tashqarisida avtomatlardan o‘q uzishni boshlagan.

Keyinchalik majmuani quyuq tutun qoplagan.

“The New York Times” ham mas’uliyatni ISHID o‘z zimmasiga olgani haqida yozmoqda.

Shuningdek, nashrning ta’kidlashicha, AQSh rasmiylari bu bayonotni ISHIDdan tasdiqlagan.   Gazetaning yozishicha, Amerika rasmiylari mart oyida Afg‘onistonda joylashgan “Islomiy davlat-Xuroson” guruhi Moskvada hujum uyushtirmoqchi bo‘lgani haqida “razvedka ma’lumotlari” to‘plagan. Mart oyida Federal xavfsizlik xizmati Moskvadagi sinagogaga hujum uyushtirishni rejalashtirayotgan “Viloyat Xuroson” terror tashkiloti a’zolarini yo‘q qilgani haqida xabar bergan edi. 

Saudiya Arabistonida joylashgan “Al Arabiya” telekanali ham ham Krokus hujumi uchun javobgarlikni ISHID o‘z zimmasiga olgani haqida xabar berdi. Biroq rasmiy Moskva va ommaviy axborot vositalari teraktni ISHID uyushtirgani haqidagi ma’lumotlarni tasdiqlaganicha yo‘q.

Ukraina Prezidenti devoni rahbari maslahatchisi Mixail Podolyak esa Ukrainaning teraktga aloqasi yo‘qligini ma’lum qilgan. Rossiya Tergov qo‘mitasi ma’lum qilishicha, terakt oqibatida 60 dan ortiq odam halok bo‘lgan.

• Afg‘oniston
• IShID
• Moskva
• Terakt
• Ukraina