Moskvada Crocus City Hall konsert zalidagi teraktdan so‘ng qo‘lga olingan chechenistonlik Asxab Uspanov bir necha soatdan keyin politsiya bo‘limida vafot etgan. Bu haqda “Agenstvo” nashri 1-aprel, dushanba kuni uning onasi Taisa Uspanovaga tayanib xabar bergan. Bundan uch kun avval uning o‘limi haqida Chechenistonning muxolifatdagi 1ADAT Telegram-kanali ham xabar bergan edi.

Marhumning onasining so‘zlariga ko‘ra, uning o‘g‘li xotinining ishiga ketayotganida qo‘lga olingan. Ushlanganidan so‘ng Uspanov xotiniga qo‘ng‘iroq qilgan: u uning oldiga kelmoqchi bo‘lgan, lekin kelmaslikni so‘ragan. Erkak politsiyada “o‘ziga qarshi hech narsa yo‘qligini” aytgan, lekin keyinroq qaytib qo‘ng‘iroq qilib, “xavfsizlik kuchlariga qo‘pollik qilganini” aytib, uni politsiya bo‘limidan olib ketishni so‘ragan.

Uspanovning rafiqasi va onasining aytishicha, ikki soatdan keyin ular politsiyaga borishgan. U yerda unga eri endi yo‘qligini aytishgan. Uspanovning onasi o‘g‘li Chechenistonda dafn etilganini da’vo qilmoqda, biroq jasad unga qanday holatda va qachon berilgani, unda qiynoq izlari bor-yo‘qligi va o‘lim sababi nima ekanligini aniqlashtirmagan. Uning so‘zlariga ko‘ra, Uspanov teraktga aloqador bo‘lishi mumkin emas.

• Checheniston
• Moskva
• Rossiya
• Terakt
• portlash