Saudiya Arabistoni qiroli Salmon bin Abdulaziz Ol Saud valiahd shahzoda Muhammad bin Salmon Ol Saudni qirollik vazirlar mahkamasi rahbari etib tayinladi. Bungacha Muhammad bin Salmon bosh vazir o‘rinbosari va mudofaa vaziri bo‘lib ishlagan va unga otasining uzoq vaqtdan beri bajarib kelayotgan vakolatlari ham o‘tkazilgan, chunki qirol lavozimdan ketishga bosqichma-bosqich tayyorgarlik ko‘rmoqda.
Podshohning farmoni bilan hukumatning yangi tarkibi ham belgilangan. Xususan, qirolning yana bir o‘g‘li Xolid bin Salmon yangi mudofaa vaziri bo‘ldi. Ilgari u vazir o‘rinbosari bo‘lgan. Energetika va tashqi ishlar vazirlari o‘z lavozimlarida qoldi.
“Bundan tashqari, farmonda qirol hukumat yig‘ilishlarida ishtirok etmagan taqdirda ham, rahbarlik qilishda davom etadi, degan band mavjud”, – deyiladi xabarda.
Salmon bin Abdulaziz Ol Saud Saudiya Arabistonining yettinchi qiroli hisoblanadi. U qirollikni 2015-yildan beri boshqarib kelmoqda. 2022-yil boshidan beri u ikki marta kasalxonaga yotqizilgan. Monarx hozirda 86 yoshda.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!