Bosh prokuratura huzuridagi Namangan viloyati boshqarmasi, DXX hamda Bojxona xodimlari hamkorligida o‘tkazilgan tezkor tadbirda fuqaro T.N. Davlatobod tumani, “To‘quvchi” MFYda joylashgan noturar binoda yashirin sex tashkil etib, dori vositalarini saqlash sharoitlariga amal qilmasdan dori vositalarni qadoqlash faoliyati bilan shug‘ullanib kelganligi aniqlanib, ushbu sexdan umumiy bahosi 952 mln so‘mlik 16 turdagi jami 22 142 quti sifati kafolatlanmagan dori vositalari ashyoviy dalil sifatida olingan.

Shuningdek, Departamentning Marhamat tuman bo‘limi tomonidan o‘tkazilgan tezkor tadbirda fuqaro M.Q. Marhamat tumani “Mirishkor” MFY hududida joylashgan binoda hech qanday hujjatlarsiz xorijda ishlab chiqarilgan sifati kafolatlanmagan muvofiqlik sertifikati bo‘lmagan umumiy bahosi 136,9 mln so‘mlik 646 turdagi dori vositalari va tibbiy buyumlar savdosi bilan shug‘ullanib kelayotganligi aniqlangan.

Mazkur holatlar yuzasidan Jinoyat kodeksining 186-3-moddasi(sifatsiz yoki qalbakilashtirilgan dori vositalarini yoxud tibbiy buyumlarni o‘tkazish maqsadida ishlab chiqarish, tayyorlash, olish, saqlash, tashish yoki o‘tkazish) bilan jinoyat ishlari qo‘zg‘atilib, tergov harakatlari o‘tkazilmoqda.

• Andijon
• Departament
• Jinoyat
• Namangan