Bugun, 8-yanvar kuni Namangan viloyatining Chust tumanida 9 yoshli bola vafot etdi. Bu haqda viloyat Favqulodda vaziyatlar boshqarmasi xabar qildi.

Ma’lumotlarga ko‘ra, soat 11:22 da Chust tumani “Yorqishloq” MFY hududidagi xonadonlarning birida yashagan 4 va 9 yoshli bolalar sog‘lig‘i yomonlashib, tibbiyot xodimlari tomonidan shifoxonaga olib kelingan.

2014-yilda tug‘ilgan bola tuman tibbiyot birlashmasida birinchi yordam ko‘rsatilishiga qaramasdan vafot etgan. O‘lim sababi aniqlanmoqda.

“Yakuniy axborot sud-tibbiy ekspertizasi xulosasidan so‘ng ma’lumot beriladi”, – deyiladi xabarda.

Hozirda holat yuzasidan tergovga qadar surishtiruv ishlari olib borilmoqda.

• Namangan
• O'lim
• salomatlik