Namangan shahrida bir-biriga tutash qurilgan uylarda yong‘in sodir bo‘ldi. 

Hodisa joriy yilning 20-noyabr kuni soat 07:10 da Namangan viloyati Namangan shahar “Istiqbol” MFYda yuz bergan. Buning oqibatida ushbu manzil hududida joylashgan bir-biriga tutashgan uylar zarar ko‘rgan. 

FVV Matbuot xizmatining xabar berishicha, voqea joyiga shahar FVBning 6 ta yong‘in-qutqaruv ekipaji soat 07:16 da yetib borgan, yong‘in soat 07:21 da qurshab olinib, soat 07:58 da to‘liq o‘chirilgan.

Yong‘indan 4 ta uyning taxminan 300 kv.m. maydonda tom, shift qismi va uy jihozlari yonib zararlangan. 

Yong‘in oqibatida jabrlangan va halok bo‘lganlar yo‘q. Hozirda yong‘in sababi hamda keltirilgan moddiy zarar miqdori aniqlanmoqda.

• FVV
• Namangan
• Yon‘in