Qo‘mitaning xabar berishicha, viloyatda Qizamiq kasalligi bilan gumon qilingan bemorlarni statsionar davolash uchun 340 shifo oʻrin tashkil etilgan, bundan 240 oʻrin viloyat yuqumli kasalliklar shifoxonasiga, 100 shifo oʻrin viloyatning Beshkapa bolalar sihatgohiga to‘g‘ri keladi.

Viloyat yuqumli kasalliklar shifoxonasidagi jami 240 oʻrindan 235 o‘rin band, 5 shifo-oʻrni zaxirasi mavjud. Beshkapa bolalar sihatgohida ajratilgan 100 oʻrinda 2 yoshdan yuqori bemorlarning 20 nafari davolanmoqda, 80 shifo-oʻrni zaxirasi mavjud.

Hozirgi kunda, viloyatda jami 85 shifo-oʻrni zaxirasi bor, deyiladi bayonotda. Shuningdek, 285 ta bemordan 62 foizi 1 yoshgacha bolalar, 25 foizi 1-3 yoshgacha bo‘lgan bolalarni tashkil qiladi. Bugungi kunda viloyatda diagnostikum, reagent va boshqa vaksinalarning yetarli miqdorda zaxirasi mavjudligi aytilgan.

Viloyatga 9500 doza qizamiq-qizilcha vaksinasi berilgan boʻlib, jami 1936 nafar bolalar epidemiologik koʻrsatma asosida qizamiq kasalligiga qarshi vaksina bilan emlangan. Hozirda davolash profilaktika muassasalarining emlash xonalarida 310 doza qizamiq-qizilcha vaksinasi zaxirasi mavjud. 2023-yilning 10 oyi davomida viloyat boʻyicha jami 735 ta qizamiq kasalligi laboratoriya tekshiruvida tasdiqlangan.

Maʼlumot oʻrnida shuni alohida taʼkidlash lozimki, joriy yilning noyabr oyida Oʻzbekiston Respublikasi davlat byudjeti hisobidan 3 mln. doza qizamiqqa qarshi vaksinalar xarid qilingan edi. Ushbu vaksinalar epid koʻrsatma boʻyicha emlanadigan qatlam, maʼlum sabablarga koʻra emlashdan qolib ketgan bolalar hamda xavf guruhiga kiruvchi, qizamiq kasali boʻlgan bemor bilan muloqotda boʻlgan 6 oydan 5 yoshgacha boʻlgan bolalarni emlash uchun moʻljallangan va ayni vaqtda hududlarga tarqatilmoqda.

• Emlash
• Kasallik
• Vaksina