Namangan viloyati Davlatobod tumanida mast erkak o‘zaro kelishmovchiliklari sabab avvaldan o‘ziga tanish bo‘lgan ayolning mashinasini yoqib yubordi.

Xabarda aytilishicha, voqea 13-noyabr kuni tonggi soat 03:35 atroflarida sodir bo‘lgan. 

Namangan viloyati IIBning ma’lum qilishicha, “Malibu-2” rusumli avtomashina Namangan shahar Davlatobod tumanida yashovchi 1989-yilda tug‘ilgan ayolga tegishli bo‘lgan.

Mazkur holat yuzasidan olib borilgan tezkor surushtiruv tadbirlari davomida ayol bilan 2021-yil mart oylaridan buyon tanishi bo‘lgan Namangan shahrida yashovchi fuqaro bilan o‘rtalarida bo‘lib o‘tgan kelishmovchiliklar sababli fuqaro mast holatda o‘zi bilan 10 litr hajmdagi yelim idishda  benzin olib kelib, ayolga tegishli bo‘lgan avtomobilning haydovchi tomon oynasini tosh bilan sindirib qo‘lida bo‘lgan yelim idishdagi benzinni avtomashina salonini ichiga sepib, yoqib yuborgani aniqlangan.

Hozirda mazkur holat yuzasidan Davlatobod tumani IIB huzuridagi TB tomonidan tergovga qadar tekshiruv harakatlari olib borilmoqda.
 

• IIB
• Namangan