Prokuratura va Davlat xavfsizlik xizmati organlari tomonidan o‘rta asrlarga oid noyob madaniy meros obyekti buzilib, o‘rniga uy-joy qurib yuborilgani aniqlandi.

Namangan viloyatining Yangiqo‘rg‘on tumani Navkent mahallasida joylashgan “O‘rdatepa” arxeologiya yodgorligining 0,03 gektar qismi fuqaro J.U. tomonidan va 0,02 gektar qismi fuqaro A.Yu. tomonidan maxsus texnika yordamida buzib tashlanib, o‘rniga o‘zboshimchalik bilan uy-joy qurilgan.

Oqibatda mazkur yodgorlikka 72 mlrd so‘mlik moddiy zarar yetkazilgan.

Tekshirish natijasiga ko‘ra, jinoyat ishi qo‘zg‘atilib, tergov harakatlari olib borilmoqda.

• Arxeologiya
• Namangan
• Prokuratura