41°
Kechasi 26°
Joriy yilning 16-iyul kuni soat 08:30 da Namangan shahar IIBga “Nurafshon” mahallasidagi xonadonlarning birida 1960-yilda tug‘ilgan muqaddam sudlangan, fuqaro A.T. mast holatda uyida janjal ko‘tarib, yaqinlariga xo‘jalik pichog‘i bilan tahdid qilayotganligi haqida xabar kelib tushgan.
Xabarga asosan voqea joyiga mahalla profilaktika kichik inspektori katta serjant Z.Tojiboyev hamda hokim yordamchisi M.Mahmudovlar zudlik bilan yetib borganlar. Xonadonda, mast holda bo‘la turib, xodimning ogohlantiruviga qaramasdan, qo‘lidagi xo‘jalik pichog‘i bilan hamla qilayotgan fuqaro A.T., profilaktika kichik inspektori Z.Tojiboyev tomonidan jismoniy kuch ishlatgan holda zararsizlantirilgan. A.T.ning harakatlari oqibatida atrofdagilarga zarar yetmagan. Bu haqda Namangan viloyati IIB axborot xizmati xabar berdi.
Shundan so‘ng, voqea joyiga yetib kelgan qo‘shimcha kuch yordamida fuqaro A.T. shahar Narkologiya bo‘limiga olib borilib, majburiy yotqizilgan.
Hozirda fuqaro A.T.ga nisbatan O‘zbekiston Respublikasi MJTKning 183, 185 va 194-moddalari bilan hujjatlar rasmiylashtirilib, to‘plangan hujjatlar jinoyat ishlari bo‘yicha Namangan shahar sudiga yuborilgan.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
