Namanganning o‘ziga xos bayrami hisoblangan an’anaviy 63-xalqaro “Gullar festivali”ning 5-kuni davom etmoqda. Ayni paytda Zahiriddin Muhammad Bobur nomli bog‘ nafaqat namanganlik, balki boshqa viloyatlar va qo‘shni mamlakatlardan kelgan sayyohlar bilan gavjum.

Shuningdek, avvalgi uch kun ichida Namanganga 1 million 675 ming nafardan ziyod sayyoh kelgan. Bu haqda, Namangan viloyati hokimligi matbuot xizmati xabar berdi.

Namangan turizm boshqarmasining qayd etishicha, 19-21-may kunlari shaharga aynan festivalda qatnashish va tomosha qilish uchun 1 675 009 nafar sayyohlar tashrif buyurgan. Shundan 70 626 nafarini xorijdan kelganlar tashkil etgan.

• Gullar festivali
• Namangan
• Sayyoh