“Nasaf” Diakite Abdelaye borasida FIFA bilan muzokara olib bormoqda. Bu haqda klubning matbuot xizmati xabar berdi.

Qayd etilishicha, 2020-yil “Nasaf” jamoasining Turkiyada boʻlib oʻtgan mavsum oldi oʻquv-mashgʻulot yigʻiniga fransiyalik futbolchi Diakite Abdelaye kelib qoʻshilgan edi.

Futbolchining oʻyin uslubi jamoa murabbiylarini qoniqtirmaganligi sababli futbolchiga javob berilgan edi.

2021-yilda futbolchi “Nasaf” futbol klubi ustidan FIFAʼga arz qilgan va jarima toʻlash boʻyicha qaror bir tomonlama chiqarilgan.

Maʼlum qilinishicha, hozirgi paytda “Nasaf” futbol klubi huquqshunoslari OʻzPFL xalqaro boʻlimi bilan hamkorlikda Diakite Abdelaye bilan yuzaga kelgan muammoni yechish ustida muzokara olib borishmoqda.

Keltirilishicha, Diakite Abdelaye borasidagi muammo yuzaga kelishiga sabab boʻlgan rasmiy shaxslarga surishtiruv ishlari yakunlangandan soʻng ularga tegishli chora koʻriladi.

• Futbol
• Xorij