NATO Bosh kotibi Mark Ryutte alyans a’zolari 2024-yilda Ukrainaga xavfsizlik sohasiga 50 milliard yevrodan ortiq yordam berganini tasdiqladi. Bu haqda Shimoliy Atlantika alyansining matbuot kotibi vazifasini vaqtincha bajarayotgan Elison Xart xabar berdi.

Xartning ta’kidlashicha, Ukrainaning NATOdagi hamkorlari iyul oyida Vashingtonda bo‘lib o‘tgan sammitda olgan majburiyatlarini ortig‘i bilan bajarishgan. Sammit davomida ular 2024-yilda Ukrainaga kamida 40 milliard yevro miqdorida harbiy yordam berishni va’da qilgan edilar.

NATO Bosh kotibi ma’lumotlariga ko‘ra, yakuniy summaning yarmidan ko‘pi Yevropa ittifoqchilari va Kanada tomonidan ajratilgan.

13-fevral, payshanba kuni bo‘lib o‘tadigan alyans mudofaa vazirlari yig‘ilishidan oldin NATOga a’zo davlatlarga Ukrainaga xavfsizlik sohasida ko‘rsatilgan yordam bo‘yicha hisobot taqdim etildi.

• Hamkorlik
• NATO
• Ukraina