NATO bosh kotibi Yens Stoltenberg 12–13-iyun kunlari Finlandiya va Shvetsiyaga tashrif buyuradi va u yerda ikki davlat rahbari bilan ushbu davlatlarni alyansga qabul qilish istiqbollarini muhokama qilishi kutilmoqda. Bu haqda NATOning juma kuni e’lon qilingan bayonotida so‘z boradi. 

“12–13-iyun kunlari NATO Bosh kotibi Yens Stoltenberg Finlandiya va Shvetsiyaga tashrif buyuradi. 12-iyun kuni Finlandiyada prezident Sauli Niinistyo, tashqi ishlar vaziri Pekka Haavisto va boshqa Finlyandiya rasmiylari bilan uchrashadi. 13-iyun kuni Finlandiyaning boshqa rasmiylari bilan muzokaralar olib boradi. Shundan so‘ng, NATO Bosh kotibi Shvetsiyaga boradi, hamda mamlakat bosh vaziri Magdalena Andersson va uning vazirlar mahkamasi bilan uchrashadi”, – deyiladi alyans bayonotida.

Ma’lumot uchun, 18-may kuni Finlandiya va Shvetsiya NATOga a’zo bo‘lish uchun ariza topshirgandi.

• Finlandiya
• NATO
• Shvetsiya