Finlyandiya va Shvetsiyaning NATOga a’zo bo‘lish da’vosi bilan bog‘liq Turkiyaning xavfsizlik xavotirlari qonuniydir, deydi NATO bosh kotibi Yens Stoltenberg 12-iyun kuni Finlyandiyaga tashrifi chog‘ida.

“Bular qonuniy xavotirlar. Gap terrorizm haqida bormoqda, qurol eksporti haqida bormoqda”, – degan Stoltenberg Finlyandiya prezidenti Sauli Niiniste o‘tkazgan qo‘shma matbuot anjumanida.

Eslatib oʻtamiz, joriy yil 18-may kuni Finlyandiya va Shvetsiya NATOga kirish uchun ariza topshirgan edi. Shu kuni Alyans elchilari Skandinaviya davlatlarining harbiy-siyosiy blokka qo‘shilishi bo‘yicha muzokaralarni boshlash uchun uchrashdilar. Biroq Turkiya jarayonga to‘sqinlik qildi.

Ma’lumotlarga ko‘ra, bugun 13-iyun kuni NATO Bosh kotibi Shvetsiyaga tashrif buyurishi, uning davomida bosh vazir Magdalena Andersson va uning hukumati bilan uchrashishi rejalashtirilgan.

• Erdogʻan
• Finlandiya
• NATO
• Shvetsiya
• Turkiya