NATO oʻzining yangi va noyob innovatsion jamgʻarmasini ishga tushirdi. Bu haqda tashkilotning rasmiy saytida maʼlum qilingan.
NATO bosh kotibi Yens Stoltenberg mezbonlik qilgan marosimda 22 ta ittifoqchi davlat rahbarlari va vazirlari tashkilotning yangi innovatsion jamgʻarmasi – dunyodagi birinchi koʻp suveren venchur kapital fondini ishga tushirdilar.
Ushbu jamgʻarma NATO uchun ustuvor boʻlgan ikkilamchi maqsadli yangi texnologiyalarni ishlab chiqish uchun kerak. U boshlangʻich bosqichdagi startaplarga va boshqa venchur kapital fondlariga 1 milliard yevro miqdorida sarmoya kiritadi.
Bularga quyidagilar kiradi: sunʼiy intellekt; katta maʼlumotlarni qayta ishlash; kvantli texnologiyalar; avtonomiya; biotexnologiya va insonni takomillashtirish; yangi materiallar; energiya va kosmik tadqiqotlar.
Bosh kotibning aytishicha, ushbu fond dunyoda birinchi va noyobligi boʻyicha katta ahamiyatga ega.
“Mazkur fond noyob va dunyodagi birinchi koʻp suveren venchur kapital fondidir” – deydi u.
Stoltenberg shuningdek, ushbu qaror Rossiya va Xitoydan himoyalanish uchun qabul qilinganini ham aytgan.
“Shu kunga qadar transatlantik xavfsizlik uchun eng yaxshi va yangi texnologiyalardan foydalanib keldik. Bu bizga yetmish yildan ortiq vaqt ichida texnologik ustunligimizni saqlab qolish hamda ittifoqimizni mustahkamlashga yordam berdi. Ammo, bugungi kunda Rossiya va Xitoy kabi qadriyatlarimizga mos kelmaydigan davlatlar bu yetakchilikka qarshi chiqishmoqda. Biz innovatsiya va texnologiyalar sohasida yetakchi boʻlish uchun qoʻlimizdan kelgan barcha ishni qilishimiz muhim, bu borada bizga ushbu fond yordam beradi. Shuning uchun men barchangizga jamgʻarmani tashkil etish uchun qilgan mashaqqatli mehnatingiz uchun minnatdorchilik bildiraman”, – dedi bosh kotib.
Qayt etilishicha, NATO Innovatsion jamgʻarmasi kelgusi oʻn yilliklarda tashkilot xavfsizligini kuchaytiradi va alyansning innovatsion ekotizimini mustahkamlaydi.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!