Navoiy davlat pedagogika instituti negizida Navoiy davlat universiteti tashkil etiladi. Bu haqda Prezident qarorida keltirib o‘tilgan.

Endi Navoiy davlat pedagogika institutida tahsil olayotgan barcha talabalar o‘qishlarini Universitetda davom ettiradi. Shuningdek, 2024-2025-o‘quv yilidan bitiruvchi kurs talabalariga Universitet diplomi beriladi.

Navoiy davlat universitetida 2025-2026-o‘quv yilidan ehtiyoj yuqori bo‘lgan quyidagi yo‘nalishlar bo‘yicha kadrlar tayyorlash yo‘lga qo‘yiladi:
— aniq va tabiiy fanlar;
— axborot texnologiyalari;
— sun’iy intellekt;
— iqtisodiyot;
— biznes va turizm;
— investitsiyalarni boshqarish;
— qishloq xo‘jaligi;
— ekologiya va atrof-muhit muhofazasi;
— logistika.

Qayd etilishicha, yangi tashkil etilgan ta’lim yo‘nalishlari va mutaxassisliklar bo‘yicha xorijiy davlatlar va respublikadagi yetakchi oliy ta’lim tashkilotlari bilan ikkita diplom berishga asoslangan qo‘shma ta’lim dasturlari yo‘lga qo‘yiladi.

• Shavkat Mirziyoyev