Joriy yilning 6-noyabr kuni Navoiy viloyatining Nurota tumanida yuz bergan YTH oqibatida 8 kishi halok boʻldi. Bu haqda Kun.uz xabar bergan. 

Manbaning maʼlum qilishicha, voqea Navoiy—Nurota yoʻlida sodir boʻlgan. Qarama-qarshi yoʻnalishda harakatlanib kelayotgan ikkita “Nexia” rusumli mashinasining oʻzaro toʻqnashishi oqibatida mashinalarning biri yoʻl chetiga agʻdarilgan, ikkinchisi esa yonib ketgan.

Avtohalokat oqibatida 29, 40 hamda 30 yoshda boʻlgan 3 nafar fuqaro voqea joyida vafot etgan. Oʻz navbatida, yonib ketgan mashinada boʻlgan 5 kishi ham voqea joyida halok boʻlgan.

Maʼlum qilinishicha, ushbu YTH yuzasidan Navoiy viloyati IIB YHXB hozircha rasmiy maʼlumot bermagan.

• YTH