Qozogʻistonning birinchi prezidenti Nursulton Nazarboyev mamlakat poytaxti Nur-Sultonda, deb yozmoqda The Guardian manbalariga tayanib.

Qozog‘istonda “yaxshi aloqalarga ega” bir sobiq amaldorning soʻzlariga koʻra, Nazarboyev Qozogʻiston prezidenti Qasim-Jo‘mart To‘qayev bilan “aktivlar, togʻ-kon va daromadlarni” qayta taqsimlash boʻyicha “qattiq muzokaralar” olib bormoqda.

Nazarboyevning sobiq maslahatchisi Yermuxamet Yertisbayevning aytishicha, sobiq prezident Qozogʻistonda. Yertisbayevning soʻzlariga koʻra, muzokaralar davom etmoqda, biroq “Nazarboyev davri tugagani aniq”.

The Guardian nashrining yana bir manbasi Nursulton Nazarboyev Xitoyda boʻlishi mumkinligini iddao qilmoqda. Biroq Pekin bu xabarlarni allaqachon inkor etgan.

“Bu mutlaqo yolgʻon maʼlumot. Biz Qozogʻiston sobiq prezidentining matbuot kotibi Nazarboyev ayni damda mamlakat poytaxti Nur-Sultonda ekanini maʼlum qilganiga eʼtibor qaratdik”, – deyiladi Xitoy TIV xabarida.

• Prezident
• Qozog‘iston