Qoʻshma Shtatlar “yagona Xitoy” tamoyilini qoʻllab-quvvatlaydi, Tayvanga tashrif bu siyosatni oʻzgartirishga urinish emas. Bu haqda AQSh Kongressi Vakillar palatasi spikeri Nensi Pelosi NBC telekanaliga bergan intervyusida aytdi.

Pelosining taʼkidlashicha, AQSh Tayvanni qoʻllayotganining asosiy sababi bu AQShning Taypey bilan munosabatlar toʻgʻrisidagi qonunining bir qismidir.

“Biz u yerga status-kvo tan olish uchun bordik. Bu bizning siyosatimiz”, – deydi Pelosi.

Eslatib oʻtamiz, Tayvan oroli Xitoy Xalq Respublikasi tarkibiga kiradi. Biroq mustaqil davlat sifatida koʻp oʻn yillar davomida mavjud. Vashingtonning taʼkidlashicha, u Xitoy orolining egaligi haqida bahslashmaydi, biroq ayni paytda Tayvan rasmiylariga yordam, jumladan, qurol-yarogʻ yetkazib beradi.

• AQSh
• Tayvan