The Times of Israel xabariga ko‘ra, Sara Netanyaxu turmush o‘rtog‘ining tergov ishlari bo‘yicha muhim guvohlarga qarshi kampaniya tashkillashtirish, shuningdek, sud jarayoniga aralashishda gumonlanmoqda.

Tergov jarayoni Isroilning Channel 12 telekanali reportajidan keyin Isroil prokuraturasi tomonidan boshlangan. Channel 12 jurnalistlari tomonidan o‘tkazilgan surishtiruvga ko‘ra, Sara Netanyaxu bosh vazirning sobiq yordamchisi Xanni Bleyvaysdan Binyamin Netanyaxu ishi bo‘yicha muhim guvoh – Xadas Klyaynga qarshi onlayn norozilik kampaniyasi tashkillashtirishni so‘ragan.

Tergov jarayoniga Isroil Bosh prokuraturasining kiberjinoyatchilikka qarshi kurashish bo‘limi xodimlari va politsiyachilar jalb etilgan. Mamlakat Bosh prokurori Gali Baharav-Miara Sara Netanyaxuga qarshi tergovni boshlash ko‘rsatmasini 26-dekabrda bergan, biroq jamoatchilik bu haqda endi xabar topmoqda.

• Binyamin Netanyaxu
• Isroil
• Prokuratura
• tergov