31°
Kechasi 18°
Ma’lumotlarga ko‘ra, Niderlandiya NATOning so‘nggi o‘n yilliklardagi eng yirik “Steadfast Defender 2024” mashg‘ulotlarida ishtirok etish uchun 5 mingdan ortiq askar va 2 ta kema jo‘natmoqchi. Bu haqda Niderlandiya Mudofaa vazirligi xabar bermoqda.
“NATO Sovuq urush tugaganidan beri eng yirik harbiy mashg‘ulotlarni o‘tkazmoqda. Ularda 90 mingga yaqin askar ishtirok etadi. Niderlandiya ham ularda 5 mingdan ortiq askar va 2 ta harbiy kema bilan qatnashmoqda”, – deyiladi vazirlik xabarida.
NATOning “Steadfast Defender 2024” mashqlari 2024-yilning fevralidan mayigacha Yevropada bo‘lib o‘tadi. Unda alyans tarkibidagi 31 ta davlat va Shvetsiya ishtirok etadi.
Niderlandiya Mudofaa vazirligi aprel oyida Germaniya bilan qo‘shma mashqlarda qatnashish rejalarini ham e’lon qildi, ular davomida yirik armiya bo‘linmalarini uzoq masofalarga operativ tarzda yetkazish amaliyoti o‘tkaziladi.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
