Bugundan, 19-dekabrdan e’tiboran Niderlandiyada lokdaun e’lon qilindi. Yevropaning boshqa mamlakatlarida bo‘lgani kabi Niderlandiyada ham COVID-19'ning "omikron" shtammi tarqalishini oldini olish maqsadida 2022-yilning 14-yanvariga qadar lokdaun tizimi kiritildi. Bu haqda mamlakat bosh vaziri vazifasini bajaruvchi Mark Ryutte ma’lum qildi.

"Ertadan Niderlandiyada lokdaun e’lon qilinadi. Bundan qochib-qutilib bo‘lmasligi ayon bo‘ldi. "Omikron" shtammi biz o‘ylaganimizdan ko‘ra tezroq tarqalmoqda" – dedi siyosatchi kechagi matbuot konferensiyasida.

Uning so‘zlariga ko‘ra, lokdaun 19-dekabrdan 14-yanvarga qadar davom etadi. Ushbu vaqt oralig‘ida barcha barlar, restoranlar, zaruriy mahsulotlardan boshqa buyumlar sotiladigan barcha do‘konlar, kinoteatrlar, teatrlar, muzeylar, trenajyor zallari yopiladi.

Avvalroq Italiyada koronavirusning yangi shtammi munosabati bilan yangi karantin choralari e’lon qilingani haqida xabar berilgandi.

• Italiya
• Niderlandiya
• Yevropa