Melburnning Ripponley shahridagi Adas Isroil ibodatxonasida katta yong‘in sodir bo‘ldi. Yong‘in oqibatida ikki kishi yaralangan va tarixiy bino jiddiy zarar ko‘rgan.

O‘t o‘chiruvchilar mahalliy vaqt bilan ertalab soat 4:10 atrofida voqea joyiga yetib kelishgan. “U yerda 60 ga yaqin o‘t o‘chiruvchi va 17 ta o‘t o‘chirish mashinasi bor edi”, – degan yong‘in bo‘limi boshlig‘ining yordamchisi Brayden Sinnemon.

Ushbu yong‘in taxminan bir soat ichida bartaraf etilgan. Shunday bo‘lsa-da, ibodatxona katta zarar ko‘rgan.

Adass Israel ibodatxonasi Avstraliyadagi eng gavjum ibodatxonalardan biri bo‘lib, kuniga 22 soatgacha ishlaydi. “Ichkarida Tavrotning muqaddas bitiklari bor, ularni yozish uchun bir yil kerak bo‘ladi. Ular bebahodir”, – degan jamoa a’zolaridan biri.

“Bu voqea bizga o‘tmishdagi dahshatlarni eslatadi. Bu biz uchun qo‘rqinchli, chunki jamiyat a’zolarining aksariyati urushdan omon qolganlarning avlodlari”, - deya qo‘shimcha qilgan jamiyatning yana bir a’zosi.

• Isroil