Holat prokuratura tomonidan qat’iy nazoratga olingan.

Joriy yil 5-fevral kuni ijtimoiy tarmoqlar orqali Nukus shahrida joylashgan xususiy maktabgacha ta’lim tashkilotida tarbiyachini bolalarga qo‘pol munosabatda bo‘lganligi va boshqa salbiy holatlar aks ettirilgan videolar tarqalgan edi.

Aniqlanishicha, videolavhada aks etgan holat 2024-yil 4-noyabrida Nukus shahrida joylashgan xususiy maktabgacha ta’lim tashkiloti tarbiyachisi R.Sh. va yordamchi tarbiyachi D.S.lar tomonidan sodir etilgan.

Hozirda mazkur holat yuzasidan Nukus shahar prokuraturasi tomonidan tergovga qadar tekshiruv harakatlari olib borilmoqda.

“Natijasiga ko‘ra, qonuniy qaror qabul qilinishi Qoraqalpog‘iston Respublikasi prokuraturasi tomonidan nazoratga olingan”, – deyiladi Respublika prokuraturasi xabarida.

• Nukus
• Qoraqalpog‘iston