“Toshkent viloyati teleradiokanalini tashkil etish to‘g‘risida”gi Prezident qarori bilan viloyat teleradiokanali – “Nurafshon TV” tashkil etiladi.

Qarorda telekanal Toshkent viloyatida islohotlarni amalga oshirishga to‘siq bo‘layotgan omillarni keng jamoatchilik muhokamasiga olib chiqishi hamda jamoatchilik nazoratini o‘rnatishi belgilanmoqda.

Shuningdek, qaror bilan MTRK va “Nurafshon TV”ni texnologik jihozlash uchun olib kiriladigan multimedia, radiotelevizion uskunalar, materiallar, dasturiy ta’minot va ehtiyot qismlar 2024-yil 1-yanvargacha bojxona bojidan ozod qilindi.

Ma’lumot uchun, ayni vaqtda Nurafshon shahrida Toshkent viloyati teleradiokanali uchun kompleks bino qurishga 1,3 gektar yer maydoni ajratilgan va qurilish bo‘yicha loyiha-qidiruv ishlari amalga oshirilib, loyiha-smeta hujjatlari ishlab chiqilgan.

• MTRK
• Prezident
• Qaror
• Toshkent