Qozog‘iston prezidenti Qosim-Jomart Toqayev mamlakatdagi namoyishlar fonida aholiga murojaat qildi.

Ma’lum qilinishicha, Qosim-Jomart Toqayev 5-yanvardan boshlab Qozog‘iston Xavfsizlik kengashi rahbari ekanini aytgan. Shu paytgacha bu lavozimda Nazarboyev Xavfsizlik Kengashiga umrbod raislik qilib kelayotgan edi.

Shuningdek, Qozog‘iston prezidenti murojaatda poytaxtda xalq bilan birga bo‘lishini ta’kidlab o‘tgan. Bundan tashqari, Toqayev Qozog‘istondagi qarama-qarshiliklarda xavfsizlik kuchlari orasida qurbonlar borligini aytib o‘tgan. U bugundan boshlab rasmiylar namoyishlar paytida huquqbuzarlarga nisbatan imkon qadar qattiqqo‘l harakat qilish niyatida ekanini bildirgan.

• Qozog‘iston