Qozog‘iston sobiq prezidenti Nursulton Nazarboyev mamlakat poytaxti Nur-Sultonda ekani ma’lum qilindi. Bu haqda uning matbuot kotibi Aydos Ukibay xabar bergan.

Uning so‘zlariga ko‘ra, Nursulton Nazarboyev Qozog‘istonga do‘st bo‘lgan davlatlar rahbarlari bilan bir necha bor telefon orqali muloqot qilgan.

“Sizdan bila turib yolg‘on va chalkashtiruvchi ma’lumotlarni tarqatmaslikni so‘raymiz. Elboshi bir qator maslahat uchrashuvlari o‘tkazmoqda va Qozog‘iston prezidenti Qosim-Jomart To‘qayev bilan bevosita aloqada”, - degan Aydos Ukibay.

Matbuot kotibining aytishicha, Elboshi barchani hozirgi qiyinchiliklarni yengib o‘tish va mamlakat yaxlitligini ta’minlash uchun Qozog‘iston prezidenti To‘qayev atrofida birlashishga chaqirgan.

• Prezident
• Qozog‘iston