AQShning Nyu-York shtatida koronavirusdan kasallanganlar soni koʻpayib borayotgani sababli 2022-yil 15-fevralgacha favqulodda holat joriy qilindi.

Maʼlum qilinishicha, shtatda infeksiya yuqtirib olganlar soni 2020-yilning aprelidan beri kuzatilmagan darajada keskin oʻsishi, COVID-19ʼga chalingan bemorlarning kasalxonalarga qabul qilish soni koʻpayishi va shifoxonalar qoʻshimcha yordamga muhtojligi sababli favqulodda holat eʼlon qilingan. Bu haqda shtat gubernatori veb-sahifasida rasmiy bayonot berilgan.

Sogʻliqni saqlash boshqarmasi qaroriga koʻra, kelgusi qish mavsumida kasalxonalarga ahvoli oʻta ogʻir boʻlmagan va shoshilinch boʻlmagan bemorlarni qabul qilishni cheklanishi mumkin.

Farmon 3-dekabrdan kuchga kirishi koʻzda tutilmoqda. Bu esa mamlakatga pandemiya vaqtida kerak boʻladigan, muhim vositalarni tezroq sotib olish imkonini beradi.

Eslatib oʻtamiz, avvalroq Janubiy Afrikada virusning yangi shtammi “Omikron” deb nomlagani haqida xabar berilgan edi.

• Xorij
• koronavirus