Nyu-Yorkda 2016 yilgi saylov kampaniyasi vaqtida o‘zi haqidagi salbiy ma’lumotlarni yashirish uchun hujjatlarni soxtalashtirganlikda ayblangan AQSHning sobiq prezidenti Donald Trampga qarshi tarixiy jinoiy sud ishi bo‘yicha tinglovlar yakunlandi. Bu haqda “DW” xabar beradi.

Qayd etilishicha, jinoiy ish bo‘yicha sud muhokamasida sud tomonlarning yakuniy fikrlarini tinglangan. Endi hakamlar hay’ati qaror qabul qilishi kerak – ularning muhokamasi bir necha soatdan bir necha kungacha davom etishi mumkin. AQSHning sobiq prezidentiga nisbatan birinchi jinoiy sudda ayblov hukmi chiqarilgan taqdirda, sudya Xuan Merchan jazo e’lon qilinishini alohida kunga tayinlangan.

Agar Tramp aybdor deb topilsa, u ko‘p yillik qamoq jazosi (jami 136 yilgacha qamoq jazosi), shartli muddat yoki pul jarimasiga tortilishi mumkin. Respublikachi o‘z aybiga iqror bo‘lmadi va u aybdor deb topilgan taqdirda ham noyabr oyida bo‘lib o‘tadigan prezidentlik saylovlarida nomzod sifatida ishtirok etishi mumkin.

Bu sud AQSH tarixida mamlakatning sobiq prezidentiga qarshi olib borilgan birinchi jinoiy suddir.

• Sud
• Tramp