Avval xabar berilganidek, ayni kunlarda Toshkentdagi “Yunusobod” sport majmuasida ogʻir atletika boʻyicha kattalar oʻrtasidagi jahon chempionati boʻlib oʻtmoqda.
Kecha ayollar oʻrtasidagi -49 kg vazn toifasida ishtirokchilar supachaga chiqishdi. Ushbu vazn toifasida vatanimiz sharafini himoya qilgan Zuhra Otajonova dast koʻtarish mashqida 66 kg, siltab koʻtarish mashqida esa 84 kg toshni oʻziga boʻysundirgan holda ikkikurashda umumiy 150 kg natija qayd etdi va 10-oʻrinni egalladi. Bu haqda MOQ xabar berdi.
-49 kg vazn toifasida tailandlik Kambao Surodchana dast koʻtarish mashqida 86 kg, siltab koʻtarishda esa 105 kg, ikkikurashda 191 kg natija qayd etgan holda eng yaqin taʼqibchisi yaponiyalik Suzuki Rirani naqd 12 kiloga ortda qoldirdi. Kuchli uchlikka yana bir kunchiqar yurt vakili Takaxashi Ibuki ikkikurashda 172 kilo koʻrsatkich bilan yakun yasab berdi.
Oʻz navbatida, bugun jahon chempionati musobaqalari davom ettiriladi. Turnirning bugungi dasturida hamyurtimiz Jamila Panfilova -55 kg vazn toifasida supachaga chiqadi. Mazkur bahslar bugun soat 16:00da boshlanadi.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!